Draumfarir

Mig hefur tvisvar dreymt sama drauminn um að eldgos væri hafið rétt við bæjardyrnar í Forsæti, nánar tiltekið í svonefndum Kjálka sem er í landi Mjósyndis. Fyrst dreymdi mig þetta í byrjun árs 1991 og síðan snemma árs 2000. Í bæði skiptin hófst Heklugos skömmu síðar. Mig langaði að deila því með ykkur að mig hefur nú dreymt þennan draum tvær nætur í röð. Kannski Hekla létti á sér áður en langt um líður :)

Þetta helst...

Maímánuður er auðvitað löngu liðinn þannig að það er kannski kominn tími til að skrifa eitthvað. Á mínum vígstöðvum er alltaf nóg að gera eins og gengur.

Þegar voraði fórum við hjónin að gera okkur klár fyrir sumarið og sóttum fellihýsið í geymslu. Við vorum ekki fyrr komin með það hér heim þegar við tók annað miður skemmtilegt verkefni þegar rör gaf sig í eldhúsinu með þeim afleiðingum að við þurftum að rífa upp gólfflísar og gólfplötu og skipta um allt saman. Þetta setti auðvitað allt á annan endann og það var flísaryk bókstaflega allsstaðar. Gólfið lítur mjög vel út núna og vatnið verður vonandi til friðs. Nenni ekki að skipta um flísar á fjögurra ára fresti.

Ég er komin í sumarfrí sem svo breytist í fæðingarorlof í ágúst. Við erum búin að fara í tvær útilegur með krakkana, fyrst á Úlfljótsvatn 12.-14. júní og síðan í Brautarholt um síðustu helgi 26.-28. júní. Stefnan er svo tekin á útilegu um helgina með Trésmiðju Heimis.

Við hjónakornin stungum af á Hótel Rangá á afmælisdaginn minn 19.júní en þá voru líka liðin 10 ár frá því við giftum okkur. Við vorum þar einn sólarhring í góðu yfirlæti og slökuðum á, borðuðum góðan mat og nutum fallegrar náttúru. Mæli með þessu hóteli.

Annars er bara allt í lukkunnar velstandi. Bumban stækkar og líður vel og áætluð lending nýjasta erfingjans er 19.september. Ég er á fullu að undirbúa komu hans og er að sanka að mér hinum og þessum búnaði sem nauðsynlegur þykir þegar barn fæðist. Það ríkir mikil tilhlökkun á heimilinu og lítur út fyrir að ég hafi 3 góðar barnapíur í bakhöndinni hér innanhúss :)

Úrslitakeppni Eurovision 16.maí 2009

Svona verður röðin á laugardaginn:

1. Litháen - Sasha Son/Love
2. Ísrael - Noa & Mira Awad/There must be another way
3. Frakkland - Patricia Kaas/Et S'il Fallait Le Faire
4. Svíþjóð - Malena Ernman/La Voix
5. Króatía - Igor Cukrov feat. Andrea/Lijepa Tena
6. Portúgal - Flor-de-lis/Todas As Ruas Do Amor
7. Ísland - Jóhanna Guðrún/Is It True?
8. Grikkland - Sakis Rouvas/This Is Our Night
9. Armenía - Inga & Anush/Jan Jan
10.Rússland - Anastasia Prikhodko/Mamo
11.Azerbaijan - AySel & Arash/Always
12.Bosnía & Herzegóvina - Regina/Bistra Voda
13.Moldova - Nelly Ciobanu/Hora Din Moldova
14.Malta - Chiara/What If We
15.Eistland - Urban Symphony/Rändajad
16.Danmörk - Brinck/Believe Again
17.Þýskaland - Alex Swings Oscar Sings!/Miss Kiss Kiss Bang
18.Tyrkland - Hadise/Düm Tek Tek
19.Albanía - Kejsi Tola/Carry Me In Your Dreams
20.Noregur - Alexander Rybak/Fairytale
21.Úkraína - Svetlana Lobota/Be my Valentine! (Anti-crisis Girl)
22.Rúmenía - Elena/The Balkan Girls
23.Bretland - Jade Ewen/It's My Time
24.Finnland - Waldo's People/Lose Control
25.Spánn - Soraya/La Noche Es Para Mí (The Night Is For Me)

Smellið á linkana til að hlusta á lögin. Nú þarf að hugsa og spá...

Úrslitin

Þá er komið á hreint hvaða lög keppa á laugardaginn. Auk þeirra sem komust áfram á þriðjudaginn eru það:

Króatía
Noregur
Danmörk
Azerbaijan
Grikkland
Litháen
Moldova
Albanía
Úkraína
Eistland

Svo eru það auðvitað löndin fimm sem voru örugg frá upphafi:

Spánn
Frakkland
Bretland
Þýskaland
Rússland

2. undankeppni Eurovision 14. maí 2009

Þá eru það lögin sem keppa í kvöld:

Króatía: Mjög fallegt lag í grísk/spænskum stíl. Veit samt ekki hvort það gerir einhverjar gloríur. Fer eftir því hvernig til tekst með flutninginn. Kemst ekki áfram.

Írland: Stelpurokk sem gæti vel náð eyrum yngri áhorfenda. Gerir ekkert fyrir mig samt. Kemst ekki áfram.

Lettland: Algjörlega sundurlaus lagasmíð. Kemst ekki áfram.

Serbía: Hálfgert djóklag. Held samt að margir muni fíla það þó það komist ekki áfram.

Pólland: Hugljúf ballaða en textinn ómögulegur. Kemst ekki áfram.

Noregur: Þetta er lagið sem allir eru að tala um. Ég fíla það ekki þó Alexander sé voða sætur. Kemst áfram.

Kýpur: Þessi er svona kópía af Alanis Morrisette. Lagið nær hins vegar aldrei að byrja almennilega. Kemst ekki áfram.

Slóvakía: Æ, einum of mikil dramatík og lagið út um allt. Kemst ekki áfram.

Danmörk: Datt í hug Ronan Keating eða eitthvað boyband. Lagið er fremur litlaust, alltaf sama stefið. Held samt að margir kjósi það. Kemst áfram.

Slóvenía: Nei, nei. Þetta lag er allan tímann bara intro. Svo galar söngkonan eitthvað í restina. Kemst ekki áfram.

Ungverjaland: Minnir mig á Scissor sisters. Ætla að veðja á að það komist áfram.

Azerbaijan: Jú, jú, hinn nýlega sígildi Eurovisiontaktur og þjóðleg stemning. Kemst áfram.

Grikkland: Dillandi Grikki, danslag... Góð blanda fyrir þessa keppni. Skrýtinn taktur í því. Kemst áfram.

Litháen: Mjög töff lag í anda Alicia Keys. Góð tilbreyting frá danstaktinum. Kemst áfram.

Moldova: Mjög þjóðlegur óður til ættjarðarinnar Moldovu. Kemst áfram.

Albanía: Fellur vel að formúlunni. Kemst áfram.

Úkraína: Myndbandið með þessu lagi er nánast klám ;) Lagið mun hins vegar komast áfram þó ekki sé það gott.

Eistland: Flott lag á flottu tungumáli. Kemst áfram.

Holland: Æ, gamlir kallar í silfurjakkafötunum hans Palla. Kemst ekki áfram.


Svo bíðum við bara í eftirvæntingu :)

Úrslitin

Þá vitum við það. Þetta eru lögin sem komast áfram:

Svíþjóð
Armenía
Tyrkland
Ísrael
Ísland
Rúmenía
Finnland
Portúgal
Malta
Bosnía-Hersegóvina

Ég hafði rétt fyrir mér með 7 af 10 en þau lög sem komust áfram en voru ekki í spánni eru Ísrael, Portúgal og Malta.

Shit, var þetta taugastrekkjandi...

1. undankeppni Eurovision 12.maí 2009

Svartfjallaland: Dæmigerð danssápukúla. Hef heyrt þetta stef oft áður. Kemst áfram

Tékkland: Algjör steypa. Missti athyglina eftir innan við mínútu. Kemst ekki áfram.

Belgía: Stórfurðuleg Elvis eftirherma. Ætti vel heima í teiknimynd. Kemst ekki áfram.

Hvíta-Rússland: Ekkert sérstaklega sterkt lag en ljóshærði "töffarinn" á örugglega möguleika. Kemst áfram.

Svíþjóð: Pirrar mig eitthvað við þetta lag. Fyrst var ég ekki viss hvort þetta væri kven- eða karlmannsrödd en svo fannst mér lagið og röddin ekki passa saman. Held þó að einhverjir eigi eftir að fíla þetta í botn. Kemst áfram.

Armenía: Þjóðleg byrjun og ekta Eurovisiontaktur. Textinn er crap. Kemst áfram.

Andorra: Mér finnst þetta ágætis eftirlíking af t.d. Avril Lavigne. Samt eitthvað svo sykursætt. Kemst áfram.

Sviss: Reyna að vera blanda af U2 og Coldplay. Held að fyrir vikið komist þeir áfram.

Tyrkland: Mjög tyrkneskt lag. Rífandi danstaktur í anda Beyonce. Kemst áfram.

Ísrael: Að heyra sungið á hebresku minnir á gamlar Eurovisionkeppnir. Kemst ekki áfram.

Búlgaría: Mjög dramatískt lag. Keimlíkt einhverju öðru. Kemst ekki áfram.

Ísland: Ballaða í anda Celine Dion. Merkilegt að það er búið að gefa lagið út á fjölda tungumála en ekki móðurmálinu. Umhugsunarvert. Kemst áfram.

Makedónía: Ágætis rokklag. Held samt að það nái ekki eyrum evrópubúa. Kemst ekki áfram.

Rúmenía: Berar stelpur og danstaktur. Getur ekki klikkað. Kemst áfram.

Finnland: Rapp/danslag fremur ólíkt fyrri framlögum finna. Kemst áfram.

Portúgal: Afar þjóðlegt og fallegt lag. Kemst ekki áfram.

Malta: Hugljúf ballaða frá Chiara. Þrátt fyrir krúttleikann kemst lagið ekki áfram.

Bosnía Hersegóvina: Töff lag sem heldur í balkanskan stíl. Kemst áfram.

Eurovision 2009

Eurovision Song Contest - Moscow 2009 Preview Player

Lögin úr Eurovision í ár

Hér er hægt að horfa og hlusta á lögin sem munu taka þátt í Eurovision í ár.